خبز النان الهندى بالثوم

  • وقت التحضير : 10دقيقة
  • وقت الطهي : 4دقيقة
  • عدد الاشخاص : 4
من أبرز أنواع المخبوزات التي تستهلك بشكل أكثر على مستوى العالم هو خبز النان الهندي بالثوم ،فهو يحتوي على الثوم التي تقوي المناعة .إليكم الوصفة

المقادير

  • 4 xكوب دقيق (أبيض)
  • 3 xعدد فص ثوم (مفروم)
  • 2 xمعلقة كبيرة خميرة (فورية)
  • 2 xمعلقة صغيرة سكر
  • 1.5 xكوب ماء (دافى)
  • 1 xمعلقة صغيرة ملح
  • 1 xمعلقة صغيرة فلفل اسود مطحون
  • 0.33 xكوب زبادي
  • 0.25 xكوب زبدة

الخطوات

  1. هنضيف السكر للماء ونقلبه كويس وبعدين هنضيف الخميرة ونقلبها كويس وبعدين هنغطى الماء ونسيبه على جنب يخمر.
  2. فى بولة كبيرة هنضيف الدقيق وعليه الملح ونقلب كويس.
  3. هنضيف الزبادى على الدقيق ونخلطه كويس (يفضل استخدام خلاط يدوى)
  4. أثناء الخلط هنضيف الخميرة شوية شوية لحد ما قوام العجين يتماسك (مش شرط نستعمل كل كمية الماء والخميرة)
  5. هنسيح الزبدة ونضيفها على العجين ونستمر بالعجن كويس.
  6. هنضيف الثوم المفروم أو البودرة للعجين ونعجنه تانى كويس جدا.
  7. هنقسم العجينة لكرات متوسطة الحجم ونغطيها ونسيبها على جنب لمدة نصف ساعة علشان تخمر.
  8. بعد ما تخمر كرات العجين هنفردها على شكل دائرى بالنشابة لحد ما تبقى رقيقة ونراعى اننا نرش دقيق على الرخامة والعجين واحنا بنفرده.
  9. على نار متوسطة هنجيب صاجة وبعد ما تسخن هنبدأ نسوى عليها العجين المفرود لمدة دقيقة وبعدين نقلب العجين وندهن الوش بزبدة سايحة وبعد دقيقة نقلب تانى وندهن الوش التانى بزبدة سايحة وبعد دقيقة نقلب كمان مرة وبكده يبقى الرغيف استوى.
  10. هنرفع الخبز من على النار ونفصل بين الأرغفة بورق زبدة وبالهنا والشفا.
تسجل الدخوللتتمكن من التفاعل