المقادير
- 10 xعدد صدور دجاج مخلية (مقطعة قطع صغيرة)
- 6 xعدد فص ثوم (مفروم)
- 2 xمعلقة صغيرة ملح
- 1 xمعلقة صغيرة فلفل اسود مطحون (والأفضل أبيض)
- 1 xمعلقة كبيرة جارام ماسالا
- 1 xمعلقة صغيرة كمون
- 1 xمعلقة صغيرة حبهان (مطحون)
- 1 xعدد بصلة (مفروم ناعم)
- 1 xكوب حليب جوز الهند
- 1 xمعلقة كبيرة صلصة طماطم
- 1 xمعلقة كبيرة نشا
- 1 xكوب زبادي
- 1 xمعلقة كبيرة جنزبيل (مبشور)
- 0.5 xمعلقة صغيرة شطة
- 0.5 xمعلقة صغيرة قرنفل (مطحون)
- 0.5 xكوب لوز (مقطع شرائح ومحمص)
- 0.25 xكوب ماء (بارد)
الخطوات
- هننقع قطع الدجاج فى الزبادى وهنضيف عليه نصف كمية البهارات ما عدا الملح والفلفل ونقلبه كويس ويترك فى التتبيلة ساعتين على الأقل فى الثلاجة.
- فى حلة صغيرة على النار هنضيف 3 معالق كبار زيت وهنضيف باقى البهارات ما عدا الملح والفلفل ونقلبها كويس.
- بعد كده هنضيف الثوم والبصل والجنزبيل المبشور وهنقلبهم كويس فى الزيت لمدة دقيقتين.
- هنضيف الدجاج المنقوع بالزبادى ونقلب كويس لحد ما الدجاج يستوى.
- هندوب النشا فى ربع كوب ماء بارد ونضيفه على الدجاج وهنضيف كمان حليب جوز الهند ومعلقة صلصة طماطم واللوز المحمص والملح والفلفل وهنقلب الخليط ونسيبه يغلى لمدة دقيقتين.
- هنزين دجاج الكورما بالكزبرة الخضراء وقرون الفلفل الحمراء وبكده يبقى جاهز للتقديم.
