تعتبر عجينة السكر (الفوندان) من الطرق الحديثة التي تُستعمل في تزيين الكيك، وتعتبر فرنسا من أوائل الدول التي ابتكرت وأبدعت بهذه الطريقة للحصول على الكيك المثالي الذي يحتوي على المنظر الجميل الرائع الذي يجذب العيون.لمعرفة الطريقة التي تحضر بها عجينة السكر تتبعوا الخطوات التالية .
المقادير
- 4 xمعلقة صغيرة جيلاتين بودر
- 4 xمعلقة كبيرة ماء
- 1 xمعلقة صغيرة جلسرين طعام
- 1 xكيلو سكر بودرة
- 0.5 xكوب شراب الذرة
الخطوات
- فى طاسة على النار هنضيف ماء ونسخنه.
- فى بولة هنضيف 4 معالق جيلاتين بودر وعليهم 4 معالق كبيرة ماء وهنحط البولة فوق الطاسة جوه الماء ونقلب كويس لحد ما الجيلاتين يذوب تماما.
- هنضيف الجلسرين على الخليط ونستمر فى التقليب.
- هنضيف شراب الذرة ونستمر فى التقليب لمدة دقيقتين (ولو عايزيين نضيف لون واحد على كل العجينة ممكن نضيفه فى الخطوة دى ونقلب كويس جدا.)
- هنرفع البولة من على النار وننقل الخليط لبولة أكبر.
- هنضيف السكر البودرة على الخليط بالتدريج بمقدار كوب فى المرة وبعد اضافة كل كوب نقلب كويس جدا قبل اضافة الكوب التالى وفى الأخر هنعجن العجينة كويس جدا باليد ومش شرط نستخدم كمية السكر كلها لأن العجينة ممكن تظبط بعد 4 ل 5 أكواب من السكر البودرة
- بعد ما نعجن العجينة كويس ممكن نقسمها ونلونها بألوان الطعام و هنحفظها فى كيس مغلق الإحكام وتوضع فى علبة ونستخدمها عند الحاجة.
