مكرونة بدوي باللحمة الضانى

  • وقت التحضير : 10دقيقة
  • وقت الطهي : 90دقيقة
  • عدد الاشخاص : 4
مكرونة خاصة جدا من المطبخ البدوي المصري.. معروفة عند البدو بأسم المكرونة المبكبكة أو المكرونة الجارية. اليك طريقة عمل مكرونة باللحم الضاني جديدة وسهلة ومشبعة بقطع كبيرة من اللحم الضاني الصحراوي

المقادير

  • 100 xجرام دهن ضانى (ليّه مقطعة قطع صغيرة)
  • 6 xعدد طماطم (حمراء كبيرة مقطعة مكعبات)
  • 4 xمعلقة كبيرة زيت ذرة
  • 2 xعدد بصلة (كبيرة مقطعة مكعبات)
  • 2 xعدد قرن فلفل حامى (مقطع شرائح)
  • 1 xمعلقة كبيرة صلصة طماطم
  • 1 xمعلقة كبيرة ملح
  • 1 xمعلقة كبيرة فلفل اسود مطحون
  • 1 xعدد ليمونة (معصورة)
  • 1 xكيلو لحمة ضانى (قطع كبيرة)
  • 0.5 xكيلو مكرونة سباجتى

الخطوات

  1. فى حلة كبيرة على النار هنضيف الزيت والدهن الضانى ونقلبهم كويس لمدة 3 دقائق.
  2. هنضيف قطع اللحمة ونقلب كويس لمدة 5 دقائق.
  3. هنضيف البصل ونقلب كويس لحد ما يحمر.
  4. هنضيف شرائح الفلفل الحامى ونقلب كويس.
  5. هنضيف مكعبات الطماطم ونقلب كويس لحد ما تغلى ونسيبها 3 دقائق.
  6. هنضيف الملح والفلفل ونملى نصف الحلة بالماء ونغطى عليها ونسيبها تغلى نصف ساعة.
  7. هنغرس سكينة فى اللحمة لو دخلت بسهولة يبقى اللحمة استوت, لو لسه هنسيبها كمان 10 دقائق ونزود ماء لو المية خلصت.
  8. بعد ما اللحمة تستوى هنزود لتر ماء ونضيف عصير الليمونة.
  9. أول ما المية تغلى تانى هنكسر المكرونة 4 أجزاء ونضيفها فى الحلة.
  10. هنوطى النار ونحط صفيحة تحت الحلة ونسيبها نصف ساعة بس هنقلبها من وقت للتانى.
  11. هنغرف المكرونة فى طبق كبير وهنشيل منها اللحمة ونحطها على الوش وبالهنا والشفا.
تسجل الدخوللتتمكن من التفاعل