kaoutar

  • 250 وصفة
  • 0 مقالة
  • 0 تعليق
[{[ nbFollwers ]}] متابع
  1. الرئيسية
  2. حسابي

وصفاتي

الكيكة الإسفنجية

  • وقت التحضير : 15 دقيقة
  • وقت الطهي : 45 دقيقة
  • عدد الاشخاص : 5

المقادير

  • 10 xعدد بيضة
  • 1.75 xكوب دقيق
  • 1.25 xكوب سكر
  • 1 xمعلقة صغيرة محسن كيك جيل
  • 1 xمعلقة صغيرة باكينج بودر
  • 0.5 xمعلقة صغيرة فانيليا

الخطوات

  1. هنسخن الفرن على درجة حرارة 180 قبل ما نبدأ فى أى حاجة (لازم يسخن لمدة نصف ساعة قبل ما الكيكة تدخل ومنفتحوش أبدا)
  2. فى بولة كبيرة هنضيف البيض والسكر ومجسن الكيك والفانيليا ونضربهم بمضرب البيض الكهربى على السرعة البطيئة لمدة 5 دقائق علشان السكر يدوب.
  3. بعد كده هنعلى السرعة ونضرب البيض لمدة 10 دقائق علشان ينفش.
  4. هنخلط الباكينج بودر والدقيق فى بولة وهنبدأ نضيف الدقيق على البيض.
  5. و احنا بنضيف الدقيق على البيض هنقلب براحة جدا من تحت لفوق علشان البيض ميهبطش.
  6. هنجيب صينية وندهنها كويس جدا بالزيت من تحت و من الجوانب وهنصب العجين فى منتصف الصينية علشان يبقى متساوى.
  7. هندخل الصينية الفرن ومش هنفتح عليها ابدا لمدة 40 دقيقة على الأقل.
  8. بعد 40 دقيقة هنفتح الفرن وندوس على الكيكة بصباعنا, لو ردت تانى يبقى استوت ولو مردتش هنسيبها كمان 5 دقائق وبكده تبقى الكيكة جاهزة.
سجل دخولك لتتمكن من التفاعل
المشاركين
آخر وصفات الطبخ
آخر المقالات