وصفاتي
شعرية بالدجاج
- وقت التحضير : 60 دقيقة
- وقت الطهي : 60 دقيقة
- عدد الاشخاص : 6
شعرية بالدجاج من أشهى الوجبات التي يحبها الجميع. لدى اكلة تعطيك الوصفة السحرية التي ستسعد بكل تأكيد الكبير والصغير وسوف يلحون عليك باعدادها مرات كتيرة .
المقادير
- 6 xمعلقة كبيرة زيت ذرة
- 4 xكوب ماء
- 3 xعدد ورق لورا
- 3 xمعلقة كبيرة خل
- 3 xعدد بصلة
- 1 xمعلقة صغيرة فلفل اسود مطحون
- 1.5 xمعلقة صغيرة ملح
- 1 xعدد فلفل أحمر حلو
- 1 xكيس شعرية (400 جرام)
- 1 xرشة قرفة
- 1 xعدد دجاجة كاملة
- 1 xكوب حبات ذرة (حلوة)
- 1 xعدد فلفل أصفر حلو
- 1 xعدد فلفل أخضر حلو
- 1 xعدد عصير ليمون
الخطوات
- هنغسل الدجاجة كويس بالخل والماء.
- هنقطع بصله مكعبات و نحطها فى الحله مع الدجاجة على النار مع التقليب لمدة دقيقتين. و بعدين هنرمى البصله و هنشطف الدجاجة و الحله.
- هنحط ماء فى الحله و نسيبها تغلي عالنار.
- هنضيف ورق اللورى والفلفل الاسود و بصله متقشرة و الدجاجة و هنغطيها و نسيبها 10 دقايق
- لو في رغاوى بيضاء على وش الماء هنشيلها بالمعلقه و نوطى عليها شوية و نسيبها نص ساعة.
- هنشيل الدجاجة و نسيبها تبرد و بعدين هنفصصها و نشيلها فى طبق. و هنشيل بالمصفاه ورق اللورى و البصل من الشوربه.
- هنحط 3 معالق زيت فى حله على نار هاديه مع الشعرية و هنقلبها فيها لحد ماتتحمر حوالى 10 دقائق. و بعدين هنضيف الشوربه عليها. هنسيبها لحد ماتغلي بعدين هنوطى النار عليها ونحط عصير الليمون. هنسيبها 20 دقيقه.
- قطع البصل والفلفل شرايح صغيرة . و هنصفى الذرة الحلوة و نشطفها بميه هاديه.
- هنحط 3 معالق زيت فى الطاسة الغويطة و هنحطه عالنار يسخن دقيقه. هنضيف البصل و نقلبه 3 دقايق بعدين هنضيف الفلفل 3 دقايق كمان و هنحط عليهم القرفه, و نص معلقه ملح صغيرة و رشة فلفل.
- هنضيف الدجاج و نقلبهم و نسيبهم 3 دقايق وبعدها نرفعهم من على النار
- هنضيف الدجاج والفلفل والبصل والذرة على الشعرية. كده تمام.. بالهنا و الشفا
سجل دخولك لتتمكن من التفاعل
